Robert Burns Poems

Back to Poems Page

SIR, o’er a gill I gat your card,
I trow it made me proud;
“See wha taks notice o’ the bard!”
I lap and cried fu’ loud.


Now deil-ma-care about their jaw,
The senseless, gawky million;
I’ll cock my nose abune them a’,
I’m roos’d by Craigen-Gillan!


’Twas noble, sir; ’twas like yourself’,
To grant your high protection:
A great man’s smile ye ken fu’ well
Is aye a blest infection.


Tho’, by his banes wha in a tub
Match’d Macedonian Sandy!
On my ain legs thro’ dirt and dub,
I independent stand aye,—


And when those legs to gude, warm kail,
Wi’ welcome canna bear me,
A lee dyke-side, a sybow-tail,
An’ barley-scone shall cheer me.


Heaven spare you lang to kiss the breath
O’ mony flow’ry simmers!
An’ bless your bonie lasses baith,
I’m tauld they’re loosome kimmers!


An’ God bless young Dunaskin’s laird,
The blossom of our gentry!
An’ may he wear and auld man’s beard,
A credit to his country.

Email This Poem to a Friend

Previous Poem | Next Poem

View Robert Burns:  Poems | Quotes | Biography | Books

Copyright © 2006 - 2010 Famous Poets And Poems . com. All Rights Reserved.
The Poems and Quotes on this site are the property of their respective authors. All information has been
reproduced here for educational and informational purposes.