Robert Burns Poems

Back to Poems Page

YOUNG Jockie was the blythest lad,
In a’ our town or here awa;
Fu’ blythe he whistled at the gaud,
Fu’ lightly danc’d he in the ha’.


He roos’d my een sae bonie blue,
He roos’d my waist sae genty sma’;
An’ aye my heart cam to my mou’,
When ne’er a body heard or saw.


My Jockie toils upon the plain,
Thro’ wind and weet, thro’ frost and snaw:
And o’er the lea I leuk fu’ fain,
When Jockie’s owsen hameward ca’.


An’ aye the night comes round again,
When in his arms he taks me a’;
An’ aye he vows he’ll be my ain,
As lang’s he has a breath to draw.

Email This Poem to a Friend

Previous Poem | Next Poem

View Robert Burns:  Poems | Quotes | Biography | Books

Copyright © 2006 - 2010 Famous Poets And Poems . com. All Rights Reserved.
The Poems and Quotes on this site are the property of their respective authors. All information has been
reproduced here for educational and informational purposes.