Robert Louis Stevenson Poems

Back to Poems Page

THE wind may blaw the lee-gang way
And aye the lift be mirk an' gray,
An deep the moss and steigh the brae
Where a' maun gang -
There's still an hoor in ilka day
For luve and sang.

And canty hearts are strangely steeled.
By some dikeside they'll find a bield,
Some couthy neuk by muir or field
They're sure to hit,
Where, frae the blatherin' wind concealed,
They'll rest a bit.

An' weel for them if kindly fate
Send ower the hills to them a mate;
They'll crack a while o' kirk an' State,
O' yowes an' rain:
An' when it's time to take the gate,
Tak' ilk his ain.

- Sic neuk beside the southern sea
I soucht - sic place o' quiet lee
Frae a' the winds o' life. To me,
Fate, rarely fair,
Had set a freendly company
To meet me there.

Kindly by them they gart me sit,
An' blythe was I to bide a bit.
Licht as o' some hame fireside lit
My life for me.
- Ower early maun I rise an' quit
This happy lee.

Email This Poem to a Friend

Previous Poem | Next Poem

View Robert Louis Stevenson:  Poems | Quotes | Biography | Books

Copyright © 2006 - 2010 Famous Poets And Poems . com. All Rights Reserved.
The Poems and Quotes on this site are the property of their respective authors. All information has been
reproduced here for educational and informational purposes.